احب بنت يريد اخي الزواج منها ( القصه كامله )

السلام عليكم ورحمة الله وبركاته
كيف حالكم جميعا

لا اريد ان اطيل بالكلام ولأقتصر الكلام

بتكلم بلغة العامه لاني ماحب الا كذا

شوفو يا ناس

من البدايه

انا طالب جامعي كورس 3 يعني باقي لي سنه تقريبا واخلص انشالله
ولي اخ اكبر مني بسنه ونصف
وهو طالب في الهيئه الملكيه في الجبيل باقي له سنه وينتهي دراسه ايضا
المهم
ان الوالده الله يحفظها دايم تتكلم انها بتزوج فهد اخوي
وانا اسمعه يقول اذا ما صار نصيب في بنت عمي بحول على بنت خالتي
وان ما كان فيه نصيب ببنت خالتي بخلي امي تدور لي اللي تبي وانا راضي < حسب كلامه

مو هنا المشكله

المشكله ان انا احب بنت خالتي
واهي احس انها تبادلني نفس الشعور
كنت اكلمها جوال سابقا وكنت احترمها احترام شديد جدا جدا وهي بعد كانت تعتبرني كل شي حسب فكري

حتا كنا بالعطله الكبيره نسافر للخارج عائلتنا وعائلتهم ونتقابل كلنا بسوريا
طبعا احنا كلنا سعوديين ولنا الفخر
المهم
كنا كلنا انا اهلي وخوالي وعيال خالي وبنات خالي كلنا في بيت واحد كبير جدا
لاكن نجتمع دائما على الفطور الغداء والعشاء وجلسة اخر الليل

يا جماعه كنت اشوفها بطرف عين واحس ان ودي اقول لها بس كلمة احببببببك
واهي تطالعني اذا حست ماحد يشوفها
حب بريئ ..
وربي يوم اطالع عيونها اقول بقلبي هذي البنت اللي أقدر اعيش معها طول عمري
مرات اسولف معها وجهي يصير احمر لا شعوريا حتا لو كنت أسألها عن شيئ تافه او شي عادي
المهم كنت بنضرتي ادري انها تحبني
واهي تدري اني احبها
ماكنت انام الليل ذيك الايام
ليوم رجعنا للسعوديه وتفرقعنا اهم بالرياض واحنا بالافلاج
وصرت دايم اتصل على خالتي واكلمها واكلم ولدها اللي اهو صديقي قبل ولد خالتي اعتبره
المهم يا اخوان
اني احب البنت هذي واخوي الكبير ما مايحبها ومابراسه الا الزواج واهي مسكينه ما تدري عن اخوي انه كذا

بالله مو حرام يتزوج البنت ويسكن عندنا واشوفها معه مع انه ما كان بينهم حب او علاقه عاطفيه او اي شي

انا احب البنت اقول لكم والله ما انااااام ليلي انام استغفر الله وانا اسمع شيماء الشيب تقول
( طوول عمري بخاف من الحب وسيرة الحب >> امروني احب لئتني بحب , آه لئيتني بحب وادوب بالحيب وسيرة وليل ولييييل على بابو !!) اسمع الاغنيه هذي واتذكر عيونها وتدمع عيوني يوم احتار شسوي

ابيها معي طول عمري
لو قالو لي مهرها مليون والله ما يهمني اه ماعلي اكون معها وتكون معي



تمر اسابيع واشتاق اشوفها

امسسك خط الرياض بحجة اني ابي أسلم على خالتي
لاكن مو هذا الصحيح , والله عشان اشوفها واقول لها مسا الخير وبس
صدقوني ما يمر لييل الا وانا اتذكرها وافكر فيها
اروح للسرير واقعد ممدد ساعه كامله تفكير بعدين انام
وعلى هالحال انا من فتره بعيدهـ ( أو بالعربي من عرفت احبها )
اخاف اقول لأخوي اني احبها وهو ناوي يتزوجها
لآكن اقول براسي شلون اخرب على اخوي سعادته
واخاف ما اقول له اني احبها ندمان علآ طوول خصوصا انها بتسكن عندنا بالشقه اللي فوق بيتنا اكيد

انا الحين قاعد اكتب كلامي هذا وارجوا كل من قرأ قصتي
انه يرد علي ويفيدني وانا ما قلت لكم السالفه اللي تخجل هذي الا لأني احبكم