قريبا سوف انهار هل من مساعد؟

بسم الله الرحمن الرحيم
الســـــــــلام عليكم ورحمة الله وبركاته.....
أنا لأول مره أشارك في المنتدى هذا بس كنت دايم اقرى واتصفحه وياليت تقبلوني زميلة جديده
بدخل في الموضوع على طول ....
بصراحه أنا بنت أبلغ من العمر 23 عاما توني متخرجه من سنه تقريبا ومبسوطه في حياتي ومرتاحه تقدم لخطبتي كذا واحد وأنا رفضت لظروف الدراسه وكان بعضهم اهلي يرفضونهم تقدم لخطبتي ولد خالي وأنا على طول رفضت من غير تفكير لأسباب عديده: أولهم انه أصغر مني ثانيا يدرس ثالثا أنا ماأحب أهل امي مومتوافقه معهم في اشياء كثير ومن بينهم ام الولد المهم وبعد تفكير طويل ايضا رفضت وقلت ماابيه وبعد ماصليت الاستخاره ماحسيت بشي بس انا من الاول مو مرتاحه للموضوع المهم جاأخوي وكلمني عنه وقام يوصفه بأنه شي خيالي اشوفه بالافلام بس قالي ان تفكيره يسبق عمره وقالي انه انسان مسؤول وقالي مو راعي سفر وغيرها المهم كنت مصممه على رايي جا ابوي وقام يهاوش وزعل علي وقال مراح ازوجك لغيره انا حسيت اني انحطيت في موقف صعب مابقى لي غير اقول موافقه غصب علي قلت يمكن يتغير شعوري بعد الملكه لكن يوم ملكت وماكان عندي شعور الرهبه والخوف والرعشه اللي تنتاب البنات كان اخوي يقولي قولي نعم موافقه وانا ودي اقول لا المهم ملكت وبعدها قمت ابكي بقوووووووووه مدري ليه؟ وبعد ماشفته ماارتحت له ولا حبيت الجلسه معه طلعت للناس في القاعه وانا موخايفه ولا مرتبكه مدري وش جاني المهم قلت يمكن عادي ودايم اقول بعدين ابرتاح له لكن صار لي معه شهرين ونص الحين وانا مومرتاحه ولا متقبلته انقرف لكلمني واتضايق من جيته واكتشفت عكس الكلام اللي قالي اخوي حسيته صغير ورجه ومايتحمل مسؤوليه وراعي سفر بعد وافكاره تختلف عن افكاري ودايم يفكر بالامور الجنسيه احس تفكيره بالحياه الزوجيه غلط وبصراحه انا موعارفه شسوي بس من جد تغيرت عن اول حيل كل حزينه وكله متضايقه عكس اول الابتسامه ماتفارقني ولاتقولون اني ماحاولت أتاقلم معه الا حاولت وقلت خلاص هذا قدري ونصيبي وحاولت وحاولت لكن دايم القى منه التذمر ودايم يقولي انتي مقصره قمت اقرا واسال وش الاشياء اللي تقربني منه وتقربه مني وقمت اتابع مع اساليب عديده بس للاسف هو بارد جدا معي او تفكيره محدود واكتشفت انه انسان جبان ومعتمد على أبوه وأنا ماقدرت انسى انه هو اصغر مني لانه ماخلاني احس انه اكبر مني اصلا وانا خايفه يعايرني بالمستقبل لانه قالي هو نفسه يتزوج وحده اصغر منه بس اهله عرضوني عليه وهو وافق هو نظر لشكلي بس مانظر للجوهر اللي داخلي هو اصلا ماكان مقتنع بفكرة انه يتزوج وهو يدرس بس قالوا له البنت خطابها كثير ووافق وقالوا له بيزوجونه وبيدفعون كلش عنه
انا بصراحة حسيت انه صغير ومراهق الحياه عنده طلعات ومطاعم وسواليف ومجاملات ماحسيت عنده جديه ابد بصراحه انا موقادره اتحمله كل يوم اكتشف ان كرهي يزيد له ولتذكرت ان هذا قدري ونصيبي ومالي مفر منه اتعب حيييييييل وتنعفس نفسيتي انا قلت يمكن كل المخطوبين كذا بس سمعت العكس وقلت لنفسي اذا خطوبه مانيب طايقته كيف بعد الزواج؟
ياليت القى منكم تفاعل وتنصحوني وش أسوي انا من جد تعبت