انا بحب بنت من ثلاث سنوات و هي بتحيني موت و كنا دائما مع بعض مستحيل يمر يوم و ما نكون مع بعض...و كنا في قمة السعادة ...بس بعد فترة صرنا نتخانق كتير ..و صرنا على اتفه الشغلات نتخانق و كنا نرجع نتصالح...بس اخر مشكلة ...كانت كبيرة ..و تركنا بعض بسسبها و هي اللي طلبت انو نترك بعض ...و انا كان جوابي متل ما بدك بنترك بعض...و بعد فترة حاولت رجعها ..بس هي ما كانت ترضى...و و عدتني انو اول واحد بيتقدملها رح ترضى فيو مشان تنساني ...
و صار هادا الشي ...تقدملها شب و وافقت و اجبرت اهلها يوافقوا عليه....و انا كنت مبعد عنها و ما عم احكي معها ....و بعد اسبوع من الخطبة ...بتتصل لعندي و بتقلي ...انا بحبك و ما بقدر عيش من دونك و مستحيل حدى تاني يكون معي غيرك ...انا عم موت و انت بعيد عني ..و مستحيل حدى كمل معو غير انت........
و المشكلو انو انا بحبها كتير و ضعفت قدامها و الصراحة كان عندي امل لنو ترجع ...و كنت بدي ياها ترجع ..
بس ما توقعت انو تكون مخطوبة ....و صارت تشوفني من فترة كم يوم...و اطلع معها بدون علو خطيبها طبعا...
وهي وعدتني انو ما تخللي يلمسها ابدا ...و اشترطت عليها انو تفسخ الخطبة و نرجع انا و ياها .....
بس هي قالتلي ما بقدر هلا لانو اخدتو غصب عن اهلي ..و ما بقدر افسخ بعد اسبوعين ...اقل شي بعد 6 اشهر
و انا بعبد الارض اللي بتمشي عليها ....بس ما بقدر شوفها مع شخص تاني ...بس اسمع عم يحكي معها على التلفون بموت ....و بس تقللي رح يجي اليوم لعنا بحس انو لازم و روح اقتلو و اخلص منو ...هي بتكرهو كتير
انا ما بعرف شو بدي اعمل ...استناها لحتى تفسخ الخطبة و موت كل يوم الف مرة لبين ما يصير هادا الشي ...و لا اتركها و بعد عنها و حاول عيش من دونها مع اني حاولت و ما قدرت ,,,لانو كنت فكر فيها اول ما فيق و قبل ما نام....و لا حب وحة غيرها و حاول عيش قصة حب تانية ..
بس خايف اخسرها و اندم انو عملت هيك ...لانو قراري رح يكون هو الاخير بالنسبة لعلاقتنا.....
انا بتمنى تساعدوني لاني عنجد عم اخسر حالي و انا عم فكر بالموضوع و حاسس حالي رح جن ....
اصعب شي بالدنيا انك تحب شخص و يكون مع شخص تاني غصبن عنو ..... و انا مدمن عليها و كنت اعمل كل شي يسعدها
قولولي شو اعمل ....مشان الله
للقلب 
" longdesc="64" /> 
sms