ضحك فى ضحك

مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!
----------------------------------------------------------------------------------
معلم لغة عربية قال : وقفت السيارة فى المكان الممنوع ...ثم سأل أحد التلاميذ أن يعرب كلمة السيارة فقال التلميذ: فاعل مرفوع بالونش
-------------------------------------------------------------------------------
مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
------------------------------------------------------------------------------
مرة واحد صاحب مزرعة دخل ف يوم عشة الفراخ لقى ولا فرخة بايضة الرجال اتجنن، قام ماسك فرخة و مديها بالبونيات و ناتف ريشها و بعدين دبحها، و قال للفراخ "شايفين؟ اللي مش هتبيض بكرة هيحصل لها كده" الراجل جه تاني يوم يشيل كل فرخة يلاقي تحتيها قفص بيض، "خمس بيضات..ست بيضات..عشر بيضات..بيضة..إيه؟ بيضة واحدة!" مد إيده يخنق الفرخة لقاها بتقول له "إرحمني..أنا دييييييييك!"
----------------------------------------------------------------------------
مره واحده رايحه تشتكي لأمها: يا ماما يا ماما الحقيني..؟ الام: مالك في ايه؟؟! فقالت: كل ما اعمل الاكل لجوزي ياخده ويرميه للكلب!!! الام: يا حرام والكلب ذنبه ايه بس؟؟!!
-------------------------------------------------------------------------------
واحد صاحب مزرعة فراخ محمل العربية فراخ و سايق وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح والبلد مش لاقية تاكل؟؟". و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة عشان تسمم الناس؟". الراجل مكمل ع الطريق وقفته لجنة، الظابط سأله "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي هي عايزاه"
-------------------------------------------------------------------------------
ممنوع وضع النكت التى تمس الدين الاسلامى
توشكر*
-----------------------------------------------------------------------------
مرة واحد شاف أخته تبكي، فقال لها: لماذا تبكي؟ قالت له: زوجي كذاب! فقال لها: وكيف ذلك ؟ فقالت له: إنه قال لها انه كان قضي ليلة أمس عند رفيقه سامح، فقال لها: وأين المشكلة؟ قالت: كذاب أنا كنت نائمة عند سامح أمس!
----------------------------------------------------------------------------
في واحد جندي حطوه في الجبهة على الخط الأول مع العدو وقالو له: أول ما تحس بأي تحرك للعدو فورا تقولنا عندك هنا جهاز تليفون على اتصال مباشر مع القيادة.
وفي يوم لاحظ الجندي تحرك العدو فرفع التليفون، وقال: ألو قيادة العدو على بعد 5 كم. فقالو له علم.
بعد نص ساعة تانية رفع سماعة التليفون وقال: ألو قيادة العدو على بعد كيلو واحد فقالو له علم, ومجاش حد.
وبعد نص ساعة كمان، اتصل بيهم وقال: ألو قيادة؟ قالوله: نعم؛ فقال لهم: اتفضلو كلموا العدو.
----------------------------------------------------------------------------
سواق ماشى على الطريق، واحد لابس أحمر في أحمر شاور له، فوقف السواق و قال له "إنت مين وعايز ايه؟" قال له "أنا الفرفور الأحمر وعايزك توصلني" فقال له "لا ما باوصلش فرافير"، و مشى و سابه.
شوية لقى واحد لابس أصفر في أصفر وبيشاور له فوقف و قال له "إنت مين و عايز ايه؟" قال له "أنا الفرفور الأصفر و عايزك توصلني فقال له "لا أنام باركبش فرافير"، و مشى و سابه.
شوية وقابله واحد لابس أخضر في أخضر عمل معاه نفس الحكاية فالسواق قال له "ما باوصلش فرافير خضر" سابه و مشي. شوية كمان كده و لقى واحد لابس أبيض في أبيض بيشاور له فالسواق وقف و قال له "يا ترى انت بقى الفرفور الأبيض" فقال له "الفرفور الإيه؟ رخصك يا أخويا!
- -------------------------------------------------------------------------------
ممنوع وضع النكت السياسيه
توشكر*
------------------------------------------------------------------------------
مره واحد بيقول لواحد صاحبه: اسكت مش انا حماتى ماتت امبارح...
قاله يا حول الله يا رب... ماتت ازاى الست دى؟
قاله وانا واقف معاها فى البلكونة وقعت من الدور الخامس...
قاله لا حول الله يا رب دى موته وحشه أوى...
قاله لأ.. ماهى ماوقعتش على الارض... قاله: أمال ماتت ازاى؟ قاله: وقعت على سلك الكهربا... قاله: يا ساتر يارب دى موته وحشه أوى.. ماتت من الكهرباء طبعا...
قاله: لأ يا عم.. ماهى الكهرباء كانت مقطوعة... قاله:امال ماتت ازاى بس؟
قاله: اصل السلك نطرها في حمام السباحة... قاله: لا اله الا الله ماتت غرقانة...
قاله: بس يا عم اعوذ بالله... ماهي اول ما نزلت فى الميه... الطشه رفعتها على منط الحمام وطلعت عندى فى البلكونة تانى... قاله: امال انت بتقول ماتت ازاى؟
قاله: ما انا لما ما لقيتش فايدة رحت خانقها بالإيشارب.
- ----------------------------------------------------------------------------
كان أحد الاشخاص يملك ببغاء سليط اللسان يسب دائما الحكومة، فقال أحد الأشخاص لصاحب الببغاء، إن هذا الببغاء سيأتي لك بكارثة، فقال الرجل: وما الحل؟ قال الثاني: عندي مزرعة بها دجاج ضعه معهم حتي ينسي الكلام، فقام الرجل بوضع الببغاء في المزرعة، فراح الدجاج يحوم حوله ليري هذا الكائن الجديد، فصرخ فيهم الببغاء: ألم تروا من قبل لاجئ سياسي.
--------------------------------------------------------------------------------
مقاول جاب مجموعة من الصعايدة لبناء كنيسة وطبعاً عارفين الصعايدة بيحبوا الغناء أثناء العمل، فقعدوا يغنوا " هيلا هيلا صلوا عاالنبي " المقاول سمعهم قالهم: هاتخربوا بيتي مش معقول تبنوا كنيسة وتغنوا " صلوا عا النبي " غنوا اي حاجة تانية، في اليوم التالي سمعهم بيغنوا " هيلا هيلا بص عاالحيطة" نظر للحائط وجد مكتوبا عليه " صلوا عاالنبي "!
------------------------------------------------------------------------------
مرة واحد متجوز عنده دولاب قفله 20 سنة، والمفتاح معاه هو بس... مراته هتتجنن وتعرف إيه اللي جوه الدولاب... وفي يوم راح الشغل ونسي المفتاح... مراته فتحت الدولاب لقت 20 ألف جنيه.. وبيضتين!!! لما رجع سألته ايه حكاية البيضتين دول؟ قالها بصراحة... كنت كل ما أخونك مرة أحط بيضاية في الدولاب... الست قالت عشرين سنه جواز ومرتين بس... مش مهم... فسألته طب والعشرين ألف جنيه؟ قالها كنت كل ما أجمع كرتونة بيض اروح ابيعها
---------------------------------------------------------------------------
مرة واحد بيحلم كل يوم بماتشات كتاكيت... راح للدكتور...
فقاله: هديلك حقنة دلوقتي ومش هاتحلم بيهم تاني خالص... قاله: طب خليها بكرة يادكتور علشان النهاردة ماتش النهائي
---------------------------------------------------------------------------
واحد بعربية شبح واقف فى إشارة مرور جنب واحد بعربية سيات، صاحب العربية السيات بص من فوق لتحت لصاحب العربية الشبح وقاله تبدل عربيتى بعربيتك وتدفع لى مليون جنيه؟
الراجل التانى قاله إنت مجنون ولا شكلك كده؟ فرد عليه صاحب السيات وقاله: أنا عربيتى فيها عفريت يحقق لك أى حاجة، المهم دخل صاحب الشبح معاه فى السيات وحرك الدركسيون فظهر العفريت، فقاله صاحب العربية: قوام هات شاى ليا وقهوة للبيه فراح جابها له، المهم بدلوا العربيات وأخد صاحب السيات مليون جنيه كمان، وأما دخل صاحب الشبح العربية السيات وحرك الدركسيون ظهر الجنى فقاله عايزك ترجع لى عربيتى تانى والمليون جنيه رد الجنى وقاله: معلش أنا بتاع شاى وقهوة بس.
----------------------------------------------------------------------------
واحد نازل من بيتهم شعره منكوش صاحبة بيقولولة شعرك منكوش قالهم "منكوش" دعوه
- ----------------------------------------------------------------------------
مرة طفل صغير ذهب الى محل للايس كريم قال لصاحب المحل ..عمو عندك أيس كريم بالكوسة رد صاحب المحل لأ
ذهب اليه الولد اليوم التالى و سألوه عمو عندك أيس كريم بالكوسة رد صاحب المحل لا يا حبيبى
ذهب اليه الولد فى اليوم اللى بعده قاله عمو عندك أيس كريم بالكوسة قاله لا لا
ذهب اليه الولد فى اليوم التالى و فاله عمو غندك أيس كريم بالكوسة قاله لا والله يا حبيبى
زهق الراجل صاحب المحل و راح لمصنع الايس كريم و قالهم فى ولد مزهقنى عايز ايس كريم بالكوسة ممكن تعملوله أيس كريم بالكوسة فعملوه
اليوم اللى بعده بقى ذهب الولد لصاحب المحل قالو عمو عمو عمو عندك أيس كريم بالكوسة
قاله أة يا حبيبى عندى أيس كريم بالكوسة
قاله الولد يععععععععععععععععععععععععععععععععععععععععععع

هههههههههههه


جامدين اخر حاـــــــــه

ميرسي ياقمر ويريت مش تحطى نكت سياسيه تانى

ميرسى ليكى يا ميرو على النكت

اوك شكرا على الملحوظة
سعدنى كتييييييييييييييييييييييييير انها اعجبتكم

ههههههههههههههههههههههههههههههههه

حلووووووووووووووووووين كتييييير هههههههههه


يسلموووووو